ILM Lefel 5

Erbyn diwedd y rhaglen, byddwch yn gallu:

• Asesu eich sgiliau, gwybodaeth ac ymddygiadau fel hyfforddwr neu fentor.
• Rheoli'r broses hyfforddi neu fentora o fewn cyd-destun sefydliadol.
• Deall sut mae'r cyd-destun sefydliadol yn effeithio ar hyfforddiant neu fentora.
• Cynllunio, cyflwyno, ac adolygu sesiynau hyfforddi neu fentora.
• Cynllunio eich datblygiad yn y dyfodol mewn hyfforddiant neu fentora.

• Cysyniadau Craidd: Deall y gwahaniaethau rhwng hyfforddi a mentora, a'r egwyddorion a'r amodau ar gyfer hyfforddi effeithiol.
• Datblygu Sgiliau: Gwella eich sgiliau cyfathrebu, dysgu modelau hyfforddi sydd â ffocws ar gyflawni nodau, ac ymarfer sgiliau bod yn bresennol a gwrando. Datblygu technegau fel cwestiynu Socratig a chynnig adborth adeiladol.
• Rheoli Prosesau: Dysgu sut i reoli prosesau hyfforddi a mentora, gan gynnwys contractio, sesiynau cynllunio, ac ymarfer adfyfyriol.
• Technegau Datblygedig: Archwilio seicoleg gadarnhaol, hyfforddi'n seiliedig ar gryfderau, cyfweld ysgogol, hyfforddi ymddygiad gwybyddol, a rhoi niwrowyddoniaeth ar waith wrth hyfforddi.
• Cyd-destun Sefydliadol: Creu diwylliant hyfforddi, cynyddu ymddiriedaeth, deall gwerthoedd a chymhelliant, a mesur effaith hyfforddi.
• Datblygiad Personol: Datblygu strategaethau ar gyfer gwytnwch, eich rheoli eich hun fel hyfforddwr, a chreu cynllun datblygu personol a phroffil hyfforddi.

Mae'r ILM Lefel 5 wedi'i gynllunio ar gyfer rhai sydd â chyfrifoldebau hyfforddi yn y gweithle neu sy'n dymuno integreiddio hyfforddi i'w rôl reoli, gyda ffocws ar sgiliau hyfforddi ymarferol a deall y cyd-destun sefydliadol. Bydd yr hyfforddeion o gefndir rheolwyr lefel ganol neu is.

Mae ein model dysgu yn cynnwys 7 gweithdy ystafell ddosbarth rithwir byw dros 7 mis gyda dysgu hunan-arweiniol rhwng sesiynau. Bydd eich cynnydd yn cael ei asesu trwy aseiniad ysgrifenedig, Portffolio Tystiolaeth yn dangos 18 awr o ymarfer hyfforddi (2 neu 3 hyfforddai), a Chyfnodolyn Adfyfyriol.

Trwy archebu lle, rydych chi’n ymrwymo i wneud y canlynol:

• Mynychu a chymryd rhan weithredol ym mhob un o'r saith sesiwn a addysgir, fydd yn cydamseru gyda hwylusydd yn ein gofod ystafell ddosbarth MS Teams
• Cyflwyno recordiad fideo o sesiwn hyfforddi i gael adborth ysgrifenedig
• Cymryd rhan mewn 1 awr o oruchwyliaeth hyfforddi
• Cymryd rhan mewn grwpiau triad hyfforddi cymheiriaid
• Ategu eich presenoldeb gyda darllen, ymchwil a gweithio ychwanegol ar gyflwyno eich aseiniad
• Byddwch yn cael mynediad i'n platfform dysgu rhithwir a deunyddiau cwrs cynhwysfawr

Nid oes proses ymgeisio ffurfiol, ond mae angen i ni sicrhau bod pob dysgwr yn ymwybodol o'r ymrwymiad sylweddol i'r rhaglen a'ch bod yn cofrestru ar gyfer y cymhwyster â’r lefel fwyaf addas.

Cyfanswm yr ymrwymiad yw blwyddyn, sy'n cynnwys dyddiadau cau yr aseiniadau.

Rydyn ni wrth ein bodd yn siarad felly mae croeso mawr i chi gysylltu â ni os oes gennych unrhyw gwestiynau.

ILM Lefel 5 Hyfforddi a Mentora: 8 Hydref (Addysg), 15 Hydref, 10 Tachwedd, 10 Rhagfyr, 12 Ionawr, 9 Chwefror, 9 Mawrth, 13 Ebrill, 10 Mehefin (Grŵp Goruchwylio).